呢日為潼潼購買左一張小書檯
睇過唔少育兒書都有建議為小朋友添置一張檯,俾佢地習慣坐定定去做一件事,無論係睇書,還是只係玩都可以,咁樣就可以訓練佢地既專注力。
本來睇中左荷花入面既一套檯連椅,可惜佢無貨。咁有一次行商場既時候,其中一間店鋪入面擺左呢張可以用埋黎砌積木既檯,見潼潼係度玩得好開心咁,所以忍唔住改變主意買左呢張檯。
其實有心想買檯仔俾小朋友以訓練佢地的話,其實我唔太建議買呢張檯。因為張檯本身中間個檯面係可以打開,亦都表示會有隙縫。好似今日俾潼潼係上面食早餐既時候,就會有食物掉左落去,都幾唔方便架!不過潼潼媽錫(縱)囡囡,咁就無辦法啦!
兩張凳仔都冇靠背喎! 小朋友坐耐會易攰, 用耐咗怕唔肯坐定週違走喎. 枱面又會唔會過高一d呢? 張枱睇嚟好大張, 但會唔會夠實用呢?
回覆刪除[版主回覆04/11/2008 13:15:00]我初初都諗住買靠背,怕佢易跌倒,不過又睇唔岩,同埋見佢之前坐過都無問題。張檯高唔高呢,就暫時可能真係高左少少,不過如果剩係用黎玩下玩具都應該無問題既。
如你想買教具可去 www..montessorihk.com睇吓,我當時都想買但我囡囡已兩歲多就快上學所以無買
回覆刪除[版主回覆04/22/2008 01:14:00]其實兩歲都有好多教材仲係岩用架喎