餵哺母乳o既技巧原來比我想像中更高難度。經過谷奶o既痛苦之後,我唔敢亂食補充母乳o既食物,包括魚湯同鮮奶;自己亦都懶左,唔會好似之前係醫院咁堅持用兩個小時餵哺一餐;健康院o既姑娘亦都話應該每餐只用半小時餵哺。種種原因之下,母乳量減少左。囡囡總是吃得不夠似的,每天都在哭哭啼啼。為左係晚上有覺好訓,終於退一步去買奶粉 - 這正正是惡性循環,奶量更加少。
呢幾日好矛盾,一時想盡辦法增加乳量繼續餵哺母乳,但見到囡囡捱餓o既樣子,又想轉用全奶粉餵哺。但係我每次抱住囡囡餵母乳果陣幸福o既感覺好強烈,令我對餵奶粉感到內疚。
呢段時期雖然內心掙扎,但係我仍用盡辦法嘗試增加奶量,亦似乎稍有成績。今日囡囡整日都睡得甜,總是不願起來似的。究竟係因為奶量足夠食得飽而睡得甜,還是因為佢訓左係我同老公o既雙人床上特別有安全感呢?
「你睇下我訓得幾甜」
「唔好攪住我訓覺啦」
「食飽再訓過」
哈哈~~很有趣!Keep going, I am keep reading.
回覆刪除好多時我想上黎update個blog都無時間,你要俾d耐性先得喇
回覆刪除大家咁話啦!哈哈~~你放假放到幾時呀?年宵會來嗎?
回覆刪除我應該2月26號番工。今日老細已經打電話俾我話想我早d番,問我幾時番工喇。年宵呀...?未知。希望o黎到啦。
回覆刪除咁呀,睇黎要過年先見列你啊!
回覆刪除咁你黎拜年啦
回覆刪除我如果唔會旅行,應該都會有時間黎拜年既,話時話都未收過你封利是喎!哈哈~~~
回覆刪除咁攪法我怕到阿囡成歲大你都未黎到
回覆刪除話時話,你個女改左咩名呀?
回覆刪除改左喇~ 係老公親戚搵人夾,但係係台灣人,改番黎D名既讀音好奇怪,只有一個適合,但係就同阿B既姑姐有一個字相同,同長輩撞名,好似唔係咁好
回覆刪除同長輩撞字會唔好架咩?? 我都同我d 姑姐撞左一個字架喎.
回覆刪除大笨貓~ 我都唔知呀!不過同長輩撞字好似同輩咁,有d唔係太尊重咁囉。
回覆刪除