熟睡的原因

餵哺母乳o既技巧原來比我想像中更高難度。經過谷奶o既痛苦之後，我唔敢亂食補充母乳o既食物，包括魚湯同鮮奶；自己亦都懶左，唔會好似之前係醫院咁堅持用兩個小時餵哺一餐；健康院o既姑娘亦都話應該每餐只用半小時餵哺。種種原因之下，母乳量減少左。囡囡總是吃得不夠似的，每天都在哭哭啼啼。為左係晚上有覺好訓，終於退一步去買奶粉 - 這正正是惡性循環，奶量更加少。

 

呢幾日好矛盾，一時想盡辦法增加乳量繼續餵哺母乳，但見到囡囡捱餓o既樣子，又想轉用全奶粉餵哺。但係我每次抱住囡囡餵母乳果陣幸福o既感覺好強烈，令我對餵奶粉感到內疚。

 

呢段時期雖然內心掙扎，但係我仍用盡辦法嘗試增加奶量，亦似乎稍有成績。今日囡囡整日都睡得甜，總是不願起來似的。究竟係因為奶量足夠食得飽而睡得甜，還是因為佢訓左係我同老公o既雙人床上特別有安全感呢？

「你睇下我訓得幾甜」

 

「唔好攪住我訓覺啦」

 

「食飽再訓過」