我已經出世五星期五日喇。雖然我仲係好細個,但係呢幾日都一樣好頻撲咁四周圍去拜年。直到年初四大家都要番工我先有得休息咋。
不過今日我都番左健康院檢查。你估下我而家幾多磅。我已經比出世果陣重左兩磅喇,我而家係3.52kg,即係7磅12安士。健康院D姑娘話我進展唔錯。
到左夜晚等爸爸放工番o黎,佢就帶左我落去打6合1既預防針。媽媽話怕睇到我俾針拮,所以要爸爸陪喎。其實都唔係好痛唶,我嗌左兩聲又訓著左lu。聽講呢隻6合1預防針o既副作用會比係健康院打果d輕微好多,唔怕紅腫發燒,而且注射既針數亦較少。為左令我受少d苦,所以雖然要俾多d錢,爸爸媽媽都寧願帶我落私家診所打預防針。
爸爸媽媽真係好錫我架!
晴晴乖乖呀...要鍚鍚爸爸媽媽..唔好成日喊同扭計呀....
回覆刪除吖吔...唔好意思..我打錯咗個名添~~~~~
回覆刪除潼潼:Yvonne姐姐,我會聽話乖乖架喇。不過你唔好再叫錯我個名喎。
回覆刪除潼潼乖.... 我係姨姨嘞...我都想做番姐姐..
回覆刪除