5週大

我已經出世五星期五日喇。雖然我仲係好細個，但係呢幾日都一樣好頻撲咁四周圍去拜年。直到年初四大家都要番工我先有得休息咋。

不過今日我都番左健康院檢查。你估下我而家幾多磅。我已經比出世果陣重左兩磅喇，我而家係3.52kg，即係7磅12安士。健康院D姑娘話我進展唔錯。

到左夜晚等爸爸放工番o黎，佢就帶左我落去打6合1既預防針。媽媽話怕睇到我俾針拮，所以要爸爸陪喎。其實都唔係好痛唶，我嗌左兩聲又訓著左lu。聽講呢隻6合1預防針o既副作用會比係健康院打果d輕微好多，唔怕紅腫發燒，而且注射既針數亦較少。為左令我受少d苦，所以雖然要俾多d錢，爸爸媽媽都寧願帶我落私家診所打預防針。

爸爸媽媽真係好錫我架!