超聲波

8月21日。等左呢個日子好耐

BB係肚入面已經20週大，呢一日就番將軍澳醫院照超聲波喇。

 

或者我自己本身比較遲鈍，一直以黎都唔太確定BB既胎動。

今次照超聲波，見到BB係肚入面手舞足蹈真係好開心

期間BB都好合作，擺出唔同既姿態，

令到醫護人員好順利咁量度BB既肚腩，頭圍，手長，腳長

佢地仲同我地好詳細咁解釋邊度係佢既手仔，腳仔，心臟，仲有八月十五　

我地數下手指，腳指，心房，又睇下個咀仔‧．．．．　一切都好正常

佢地仲話BB雖然好活潑，但係又好乖好合作，佢地想睇乜就轉過去俾佢地睇到哂　

最後佢竟然主動問我地想唔想知BB係仔定囡

，我地當然想知啦！

咁佢就揀左一個BB既POST既定格問我老公：你睇唔睇到啫啫丫？

我心裡面一涼：唔係嘛？！有啫啫？咁咪即係男仔，但我地一直以黎都想要個囡囡喎

老公答：睇唔到呀！　姑娘：咪就係無囉

果刻好開心呀，果然係個女o既，我一直以黎都想住係想要個女的，

女仔比較乖巧又可愛呢。

我知道呢個消息真係好開心，感覺有如中左六合彩。

因為同輩之中既親戚誕下既9個小朋友，只有其中一個係囡囡，

我仲以為我地一族係受到詛咒唔會有囡囡生添　

，　

今次得出結果係懷有BB女，能夠得嘗所願，我實在太開心喇　

 

 

P.S.　開心還開心，我卻感染了傷風咳，呢幾日真係要小心照顧自己身體啊

腰圍 29"　肚腩 33.5"　增磅4lbs

學生玩銀仙

 

玩銀仙學生白日見鬼 校長權充驅魔人 家長擔心反效果

大埔一間中學約十名學生，疑在學校旁邊的林村河畔玩「銀仙」時「集體入魔」，次日上課時忽然見鬼，並大哭大喊。校長情急之下親自擔當「驅魔人」，以祈禱來克服同學的...

 

其實我覺得係而家d家長太過於緊張自己既子女。

校方已經將幾個出事學生帶到其它地方作出輔導，

以免影響到其它同學，我覺得呢個做法非常正確

至於祈禱，我覺得以一間有宗教背景既學校黎講係一件平常事，

每朝番學都會早禱，食飯又會祈禱，訓覺前都會祈禱

無乜大不了丫。

點解而家D家長咁鐘意乜野都投訴既呢

修成正果

係而家呢間公司工作左一年，

終於修成正果喇！！！

 

之前工作的一家公司，因為種種問題，

我就算當時剛買左樓，開始背上供樓既重擔，

我仍堅持辭去已服務超過八年時間既工作。

當時諗法係：寧食開眉粥，莫吃愁眉飯

誰知四個月後先係而家工作既呢間公司穩定落黎

係呢間公司工作都算得上稱心，只可惜人工比以前的真係少了一截

令到呢一個家係經濟上出現壓力。

 

不知不覺係呢間公司工作左一年喇

終於等到收成既時候喇。

老闆加左人工，仲加得唔錯，我非常開心

而家終於算係可以鬆一口氣

唔駛太過憂心將來點照顧未出世既BB喇

 

酸麵包

是心情影響嗎?

今日在麵包店新鮮買既一袋早餐包入口有點酸酸的。

究竟是變壞了,

還是這是它根本的味道?

自己亦攪不清。

第一份禮物

 

收到第一份給寶寶的禮物。

呢位同事係我公司工作不足4個月

8月11日係佢既last day

佢竟然買左一set BB用品送俾BB

入面有D餵食工具同埋濕紙巾

 

我地相處既日子只係短短的不足4個月

我好感激佢咁有心

令我感受到寶寶為我所帶黎既喜悅

我望住果一套用品，真係好期待BB就係我身邊