8月21日。等左呢個日子好耐
BB係肚入面已經20週大,呢一日就番將軍澳醫院照超聲波喇。
或者我自己本身比較遲鈍,一直以黎都唔太確定BB既胎動。
今次照超聲波,見到BB係肚入面手舞足蹈真係好開心
期間BB都好合作,擺出唔同既姿態,
令到醫護人員好順利咁量度BB既肚腩,頭圍,手長,腳長
佢地仲同我地好詳細咁解釋邊度係佢既手仔,腳仔,心臟,仲有八月十五
我地數下手指,腳指,心房,又睇下個咀仔‧.... 一切都好正常
佢地仲話BB雖然好活潑,但係又好乖好合作,佢地想睇乜就轉過去俾佢地睇到哂
最後佢竟然主動問我地想唔想知BB係仔定囡
,我地當然想知啦!咁佢就揀左一個BB既POST既定格問我老公:你睇唔睇到啫啫丫?
我心裡面一涼:唔係嘛?!有啫啫?咁咪即係男仔,但我地一直以黎都想要個囡囡喎
老公答:睇唔到呀! 姑娘:咪就係無囉
果刻好開心呀,果然係個女o既,我一直以黎都想住係想要個女的,
女仔比較乖巧又可愛呢。
我知道呢個消息真係好開心,感覺有如中左六合彩。
因為同輩之中既親戚誕下既9個小朋友,只有其中一個係囡囡,
我仲以為我地一族係受到詛咒唔會有囡囡生添
,今次得出結果係懷有BB女,能夠得嘗所願,我實在太開心喇
P.S. 開心還開心,我卻感染了傷風咳,呢幾日真係要小心照顧自己身體啊
腰圍 29" 肚腩 33.5" 增磅4lbs
幾時係預產期呀?見到你開開心心做媽咪真係好!你要小時身體呀!呢個時候好重要架!
回覆刪除預產期係明年1月8日呀,不過我相信會比預產期早出世。可能會係12月BB BB出世無耐就可以出黎收利事lu
回覆刪除我都未收過你一封利是,你就bi一件出黎收返人利是,又幾抵喎!哈哈~~~ 可能佢會係1月1日零時零分出世!咁你就發囉!
回覆刪除我好想你地有人黎拜年架,不過年年d人都自動失蹤
回覆刪除唔好意思走黎拎利是架嘛!好啦!好啦!出年我黎拜年啦,順便探下小寶寶,嘻嘻~~~你唔會唔歡迎我呀嘛!?
回覆刪除好"登"你開心啊~~當年我照到係"囡"時都有好似中左六合彩既感覺啊.
回覆刪除女仔比較乖巧又可愛呢==>係嫁. 可以買定靚衫比佢啦. 小心身體啊, 大肚病左好辛苦嫁.
多謝Ada
回覆刪除