入戲院睇戲

潼潼兩歲三個月大，一直都唔敢帶佢入去戲院睇戲，不過潼潼媽就見過有D媽媽帶兩歲小朋友入戲院都無乜問題，所以膽粗粗試下。

今次帶潼潼去睇「天煞撞正怪怪獸」3D版。潼潼都算幾乖，肯帶住副3D眼鏡靜靜咁睇戲。不過越睇越唔對路，潼潼媽以為呢套片會有可愛卡通同埋攪笑片段，但係一路睇落去，發覺呢套片其實唔岩太細個既小朋友睇。一個半小時既電影，睇左一個鐘左右潼潼就嗌「走喇，唔睇喇，去街街！」潼潼媽都覺得套片唔太吸引，所以帶左潼潼離場去左附近既反斗城等爸爸。

其實今次經驗都唔太差，潼潼入戲院唔算扭計，亦都無好嘈亂叫。如果真係有合適既電影，我諗帶潼潼去睇都無咩問題。

黃埔冒險樂園

呢日帶左潼潼去全港最大既冒險樂園 - 黃埔冒險樂園。

未出發，先興奮。

上到巴士，潼潼一路上同路上既汽車打招呼。

「爸爸，我要落去玩呀！」

我地買左$50蚊套票，可以選擇玩三個大型遊戲。但係其實好多遊戲潼潼都未夠高玩。本來諗住個波波池有三層高咁好玩，可以玩兩次波波次搭夠啦！點知原來潼潼只可以留係幼童區，果度好細，又無乜設施，連潼潼都不感興趣。到夠鐘要走既時候，潼潼係少見地肯行出黎，無賴住唔肯走。

最後唯有玩兩次搖擺車。

去完冒險樂園，再去玩具反斗城，仲有附近既商場逛逛。

潼潼媽：「潼潼！ 扁咀丫！」

我地係附近食埋晚餐先走，但係潼潼似釆毫無倦意。佢全日無訓過覺，連搭巴士番屋企既時候都仲係眼仔碌碌。番到屋企仲係度扭計話「去街，唔番屋企！」

真係俾佢激死，咁細個就做左「街精」

我是音樂家 - 日文演唱篇

潼潼咩歌都喜歡跟住唱，姐姐話就連佢唱印尼話，潼潼都會跟住唱呢。

無故發燒

這次是潼潼第二次無故發燒。

潼潼這朝早起床都一切如常，直到中午叫佢食飯時佢扭計唔肯食，之後婆婆黎到就話潼潼發緊燒喇！探一探熱，嘩~ 102度多。 俾左退燒葯潼潼食左，我地就帶左潼潼出街喇！番到黎仲俾爸爸話我，個囡發燒仲掛住帶佢出去玩。我就話係因為潼潼扭計扭到發燒咋嘛！

今日本來諗住帶埋潼潼去探毫子岩岩出世既BB，點知潼潼突然發燒，又無得帶潼潼出去見下D UNCLE, AUNTIE喇.....

潼潼又再無緣無故的發燒，唔知會唔會又長高呢?

我是音樂家 - 演唱篇

都幾有台型架喎!! 仲有自選歌曲既環節添!