好多時我地開飯之時，亦係潼潼開大餐之時。
2009年1月13日 星期二
2009年1月11日 星期日
Super Baby第一堂playgroup
今日潼潼上左佢第一堂playgroup。一直以為潼潼既表現上playgroup應該無乜問題，但係原來剛剛相反。
呢日上playgroup大約有5-6個家庭 (潼潼媽真係唔夠細心)，而新生連埋我地應該有三個。年齡有比潼潼少既(歲半)，亦有比潼潼大既。上課既地點其實係一個空曠既既課室(瑜珈室)。課堂未開始，潼潼已經係度不斷走黎走去，一d都唔怯場，潼潼媽仲以為係好事，點知........
大家都跟住導師既指示叫小朋友做動作，走圈，停步，搖手.... 等等，全部小朋友都好聽話咁係成人既帶引下做出動作，就只有潼潼一個係幾乎全場都不受控制，只係自己係場內不斷走黎走去，我地想捉都捉佢唔住，一捉住佢佢就反抗。
還好就只有玩穿珠仔既環節潼潼係肯乖乖地咁坐係度完成。
整個課堂好似好簡單，其實都值得家長留意：唱HELLO歌同大家打招呼，唱體操歌，再見歌，學習專注力，學禮貌，學規矩 (整個課堂流程潼潼媽都唔係好記得喇 
)
到課堂完畢，導師既COMMENT係: 潼潼因為未上過PLAYGROUP (但係其它新生都未上過都唔係咁)，所以末習慣呢種結構性既課堂，佢要自由，想破壞呢種結構。我地要俾佢慢慢習慣，遲D會好D。同埋佢話潼潼比較活潑 ，同有D男仔性格(呢點絕對唔似潼潼媽)，要減少俾潼潼食糖，飲汽水，食有味精既食物，同埋少睇電視。(其實呢D潼潼都好少做，但係佢都依然超級活躍)。
希望繼續上多幾堂潼潼既表現真係會好D啦。
2009年1月10日 星期六
第一次面試 & 第一份勞作
今日潼潼去小童群益會既樂緻幼稚園面試。其實今次唔算係面試，來信寫明係「小組面見」。
我覺得呢間學校的確做得唔錯，去到學校之後，老師唔會逐個小朋友/家長接見，唔會問小朋友問題，唔會考佢地。而係所有參加今次面見既小朋友都會係學校度一齊玩遊戲，而老師只係從旁觀察。
係今次面見入面，潼潼仲完成左佢第一份勞作 - 雪糕筒。似乎潼潼都好鐘意自己既第一份作品。
我地係學校逗留左兩小時，潼潼都無乜扭計，上地墊玩之前識得自動自覺要除鞋，又會放好玩完既玩具，表現非常好呀!!
訂閱：
文章 (Atom)