懷疑吃「潼」肉事件

呢日我家發生駭人的懷疑吃潼肉事件。

上學去

所謂無事出街小破財。今日潼潼爸放工到旺角走了一轉之後，就為潼潼添了玩具。

幸好呢件玩具都算物超所值，入面有黑板，校車，搖搖板，滑梯同埋幾個學生，只售45大元。

多個機會

呢日潼潼媽仲係順德工作期間收到爸爸既電話，原來係有另一間幼稚園打電話黎CONFIRM黎緊星期六既小組面見。

潼潼又多個機會喇!!

第一次旅行II

第二次的行程，一開始又係食。

呢個食店出面有個更靚既戶外魚池，但係竟然無影到相，真失敗。

之後去左寶林寺。呢個寶林寺有好多級樓梯，上完一層又一層，果度唔知有無過千級樓梯，但係潼潼亦絕無躲懶，樓梯全部自己走。

終於上到黎喇!!

由於怕潼潼太累兼走得慢，走既時候我地先抱潼潼番落去，不過我地都覺得潼潼已經好叻喇!!因為連潼潼媽都覺得走得好累呀!!

小休左一陣，潼潼同爸爸要先回港喇！好唔捨得潼潼添！　不過聽潼潼爸講番，潼潼全程直至夜晚訓覺都竟然無搵過媽媽，真過份！！

第一次旅行

潼潼媽星期一要番大陸工幹，咁呢個星期六﹑日就帶埋潼潼上去玩，媽媽就停留到星期一先番黎香港。

一大清早，我地就忙住出門，然後搭船去順德。

今次係潼潼第一次搭船，第一次「長途」旅行，潼潼媽怕潼潼唔習慣而準備左好多潼潼平時既玩具，攪到俾爸爸話我跨張。結果呢?潼潼無任何不習慣，整個旅程都表現得跟平時無乜兩樣。

我地到順德食左午飯之後，到酒店整理一下後就開始第一個行程 - 去動物園。我地見到好多唔同程類既動物，潼潼亦上左寶貴既一堂，路上一路跟住我地叫「ZEBRA」「MONKEY」「PANDA」等等。

潼潼應該都玩得好開心，睇下佢對住咁大個熊貓公仔都全無懼色。

順德話大唔大，話細唔細。去完動物園我地食埋晚飯，一來一回都已經十點幾鐘，要番酒店休息喇!