而家D小朋友都好愛影相。都多得數碼相機既發明，父母都盡情又放肆地不停為小朋友影相，所以小朋友好細個就學會影相。
潼潼唔係好鐘意被拍，每次我為佢影相佢就避開，或者過黎要搶我部相機。不過佢就鐘意自己拎部相機黎影 - 當然係亂影啦！今次仲要調轉部相機黎拎，大玩自拍添！
點解潼潼會識咁樣影相既呢．．．．？
每當我同爸爸開飯既時候，潼潼總要黎分一杯羹。(自己既飯卻不好好吃)
今晚潼潼又黎偷食喇!! 仲要學大人拎筷子夾添！
上個星期六﹑日天氣都唔好，無乜帶潼潼出去玩。今日端午節假期天氣比較清涼，舅夫又得閒，就即興車我地去大拗門燒野食同放風箏。
潼潼媽即刻去買野食，種類同數量都唔係太多，岩岩好。
帶埋沙灘蓆，潼潼可以坐埋一邊等食。
仲為潼潼預備左維他奶，佢飲左好多呢。
食完野跟住我地去放風箏，不過呢個時候潼潼已經訓左lu。睇下！照片中間架飛機就係我地隻風箏喇！
今日唔曬又清涼，去BBQ真係好舒服，希望呢個秋天仲有機會再同潼潼一齊去BBQ啦。
今日帶潼潼出尖沙咀睇煙花。我地以為煙花八點開始，但係原來係九點。我地早左成個鐘頭有多，所以都算叫做企個好位等睇煙花。
呢張相係煙花未開始前影既，你地睇下潼潼笑得幾開心。
開始放煙花喇！
又再一次證明光速係快過聲速：潼潼睇左第一眼煙花，開心咁跟住大家大叫左一聲「哇～～」。之後聽到隆隆既響聲，已經嚇得唔願再睇，一直合埋雙眼，緊緊咁攬住姐姐。
最攪笑係，雖然潼潼無再望過煙花，但係佢一直都有跟住我地叫「哇～～」，「好靚呀！！」 後黎我抱住潼潼，佢依然係攬得我好緊，直至我叫潼潼拍手，佢先鬆開手係度拍掌，但係仍然係緊緊咁合埋對眼。真係笑死我地。
到走果陣，潼潼個樣依然係呆呆地。
今朝嫲嫲打電話黎話入黎將軍澳同潼潼飲茶。咁飲完茶之後，我地就帶潼潼去冒險樂園玩波波池喇！
因為我地怕潼潼玩創個心，已經有一排無帶潼潼去玩波波池喇！潼潼就玩得好開心，不過我要跟住潼潼就好辛苦喇！佢係咁走呀走，我就係咁爬呀爬，咁點會夠佢快丫？佢又唔怕跌，大大級樓梯都係咁碌落去，真係俾佢嚇死。
潼潼今日收到好多禮物，姑姐過黎之前已經買左公仔俾潼潼，點知行商場既時候又買左個波波。
潼潼媽又買左砌圖俾潼潼，潼潼今日都算大豐收啦。
)
後黎我抱住潼潼，佢依然係攬得我好緊，直至我叫潼潼拍手，佢先鬆開手係度拍掌，但係仍然係緊緊咁合埋對眼。真係笑死我地。
