國慶煙花

今日帶潼潼出尖沙咀睇煙花。我地以為煙花八點開始，但係原來係九點。我地早左成個鐘頭有多，所以都算叫做企個好位等睇煙花。

呢張相係煙花未開始前影既，你地睇下潼潼笑得幾開心。

開始放煙花喇！

又再一次證明光速係快過聲速：潼潼睇左第一眼煙花，開心咁跟住大家大叫左一聲「哇～～」。之後聽到隆隆既響聲，已經嚇得唔願再睇，一直合埋雙眼，緊緊咁攬住姐姐。

最攪笑係，雖然潼潼無再望過煙花，但係佢一直都有跟住我地叫「哇～～」，「好靚呀！！」　後黎我抱住潼潼，佢依然係攬得我好緊，直至我叫潼潼拍手，佢先鬆開手係度拍掌，但係仍然係緊緊咁合埋對眼。真係笑死我地。

到走果陣，潼潼個樣依然係呆呆地。