證件相

呢張係潼潼既第一張證件相，係咪影得唔錯呢?其實影左好多張，仲要越影潼潼就越無耐性，影得越差。好彩幫佢影相間鋪頭都好有耐性幫佢繼續影，唔係求求其其影到就算。拎相之餘，仲跟埋一隻CD，都幾好喎！雖然一隻CD唔駛幾多錢，而且分分鐘計埋你錢，不過幫小朋友影相真係唔易。而家有左隻CD，就可以隨時再幫潼潼曬相，唔駛再去影過相咁麻煩嘛！

幫潼潼做證件去邊度玩？其實都無諗過，只係做定擺係度看門口。

玩具圖書館

今日帶潼潼去香港中央圖書館入面既玩具圖書館玩。

睇介紹入面既相，覺得個玩具圖書館好靚好似好好玩咁，令我非常期待。為左遷就潼潼既午睡時間，我約左四點鐘果場，但係依然好趕。潼潼差不多兩點先肯訓，訓到三點已經俾我地叫醒出街。

入到玩具圖書館，唔係想像中咁吸引。所謂既專人指導，其實極其量只係幫你揀玩具。唔要「專人指導」的話，你可以自己諗 / 自己睇目錄揀完玩具叫佢地拎俾你。而且只有45分鐘既時間玩玩具，等潼潼媽再花d時間去純習呢個圖書館既運作之後，真係唔知玩左d乜。總括黎講，我覺得唔係太值得花時間同車錢過去玩囉！又或者話，呢個玩具圖書館唔適合潼潼呢個年紀既小朋友使用。

一場黎到，唯有拍個照留念。

五花大綁

潼潼媽又玩埋D變態遊戲。

潼潼今日曳曳搗亂，所以被姐姐五花大綁。

最初潼潼仲係不知就裡，被人綁仲好開心係度笑。

之後就．．．．　哎呀！！動彈不得，好似蟲蟲咁係度爬。

晨運

中秋都到喇，呢排朝早落街番工既時間都比較清爽涼快，感覺好舒服，所以呢日就帶潼潼落去樓下走走，玩下吹泡泡。

有個姐姐係度玩竹蜻蜓，仲過黎同潼潼一齊玩添。有多個人陪自己玩，潼潼玩得好開心，成日自己跟住個姐姐走黎走去。

姐姐幫我手「禁」住潼潼等我可以幫潼潼影相。

個姐姐都幾識得照顧小朋友架！

不過最後個姐姐拜拜都無講就自己走左番屋企lu，潼潼係咁跟到樓下望住個姐姐番屋企。

潼潼玩到夠，就唔駛叫都自己行番屋企，我同姐姐都係跟住潼潼行咋。

雞蛋早餐

潼潼學左潼潼媽，都鐘意食雞蛋當早餐。我會俾隻雞蛋潼潼，等佢自己試下搣雞蛋。唔好睇少搣雞蛋，佢可以俾潼潼學下做家事，又可以增加對雞蛋既認知，仲可以訓練埋手指既靈活性添。