繩網陣

早前參加左blogger「鳥龍媽與駁嘴王」既免費活動，可以同潼潼去冒險樂園玩佢地個繩網陣。

活動10點開始，不過要週日咁早出動真係有點難度，所以我地遲左半小時先到達。因為人數所限，去到既時候潼潼已經無份參予佢地既「歷奇」遊戲，加上(我同爸爸懷疑)潼潼怕黑同埋果度d聲效，所以一路嗌住要走，話唔想玩。

一場黎到，緊係唔想就咁走左啦! 好辛苦拖拖拉拉咁先拖到第二節時間開始，可以俾潼潼入去玩。

一開始左就不得了，潼潼玩得好開心。

首先潼潼要係電腦度輸入資料，再揀選問題既難度。


跟住就會問d關於各種動物既問題。

我地就係遊戲區內搵答案 - 嘟完隻動物再去番電腦度嘟一下，就知答案岩定錯，答岩會計分，然後再問下一條題目，再搵答案。
 

 

呢個遊戲考你動物既常識之外，其實都好考你既觀察力同記性。因為遊戲區內每個角落都有唔同小動物，你觀察力好同記性好，就好快可以搵到答案。

呢個活動既另一主角就係繩網。

但係其實我覺得繩網既部份其實唔係咁多。

玩完之後就係附近影下相。睇下潼潼，連影相都拎住張遊戲卡呢!