呢日係佛誕假期,有舅父車我地去沙灘。本來諗住去石澳架,不過太多人改左去大浪灣。
大浪灣果然好大浪,今日天氣好好,不過依然掛起紅旗,唔適宜游水,不過就好多人滑水。
天氣好得不得了,熱到傻,想赤腳走係沙上都唔可以。我揀左一個樹蔭俾潼潼玩沙。
有無見到潼潼一樣著住對水鞋。無辦法啦,經多人分折,認為潼潼係有輕度潔癖,所以好怕沙。但係為左避免潼潼對沙灘太抗拒,所以暫時由得佢著住水鞋玩住先。希望試多幾次之後佢會習慣。
潼潼而家好怕自己一個人玩,成日都話想人陪佢玩。佢係沙灘玩左無耐就搵到個姐姐陪佢一齊玩喇 ! 不過就累到個姐姐後黎俾佢媽咪鬧,因為個姐姐同潼潼玩而唔願陪自己個妹玩。個阿媽鬧小朋友鬧得好兇呀! 真係嚇死我...... 一於扮無知企埋一邊。
潼潼就玩得幾開心,玩到唔願走。
呢日酷熱天氣警告呀! 仲要係下午兩時多到達,實在曬得太辛苦,所以留左個多小時就走咯。
點解唔約埋我地一齊去呀!!
回覆刪除[版主回覆05/24/2011 13:42:00]我地去探完先人先順便過去咋嘛!