蒙特梭利教材

呢個係蒙特梭利教材的特色嗎？

呢件係蒙特梭利教材中對大與小既認知上既其中一件教材。最初潼潼基乎對佢不感興趣，不過就循蒙特梭利既教育理念 - 一切自然發展。

表現尚算可以掛?

型造型

又可以同潼潼去街街喇！

戴番頂帽仔幾靚女喎！

用埋同媽媽一式一樣既背囊，掂哂啦！（不過無一齊影到相）

無聊小事

係度寫一寫潼潼一d無聊有趣事作個記錄。

*********************************

潼潼可以將任何拎係手上既野都用黎當電話用。香蕉啦，筆啦，紙巾啦，甚至三角形既積木，今晚竟然見佢拎住包辣椒醬係度講電話，你話點到你唔服。

我話如果我可以將所有潼潼「講電話」既情況影低落黎，我諗都應該可以做本書。

*********************************

潼潼好怕上鏈玩具同毛毛玩具。由半歲開始到而家歲半有多，潼潼仲係好怕果隻細過手掌既上鏈青蛙玩具。潼潼究竟驚d乜呢?

衝閘

哎呀！潼潼竟然識自己開個門欄喇！個門欄可以光榮退休喇！

而家會自己開門入廚房攪攪陣，叫佢番出黎都唔會好似以前咁扭計喇，因為佢識自己開番門入去嘛！個衰妹仲好鬼得戚咁係咁將個門欄又開又閂添！

後話：潼潼自己睇番自己一樣覺得自己好攪笑。最攪笑係睇睇下短片可以係度傾電話，你話係咪真係要寫個「服」字俾佢呢。

豐富晚餐

見有BLOG友為囝囝製麵包布甸，我又心思思想整黎玩下。今日就從網上搵出最簡單既一個食譜試下整。

整出黎既外觀都唔錯呀，不過份量仲要調校一下。聽日再接再勵。

今晚潼潼爸又唔係屋企，我同姐姐試完呢個麵包布甸都幾飽喇！夜D再去TASTE掃番個特價壽司同姐姐兩份。嘩！簡直正到痺啦！

只係正餐同甜品岩岩調轉左先後次序囉！

出浴照

又黎出浴照喇！睇下，潼潼真係好鐘意洗白白架！每次洗白白，姐姐都會叫：潼潼，玩水呀！！然後潼潼就會跟住自己走入洗手間架喇！洗頭時ｄ水照頭淋都無有怕架！

你睇潼潼幾歎！

又係唱歌仔

潼潼真係好鐘意唱歌仔架！有時聽到電視播歌會好興奮，第一次聽既音樂都會跟住哼。唔知係咪「情人眼裡出西施」，總係覺得潼潼幾有音樂天份咁。（其實，可能係潼潼媽想得太多，原來個個小朋友都會唱歌，哈哈哈！）

說話能力

呢排潼潼無乜節目，都只係d家庭聚會，媽媽又懶惰，所以無乜內容可以update下個blog，唯有寫下潼潼學講野既情況。

潼潼最近都好肯學講野，幾乎叫佢講既字佢都講得出。而講得最多既，除左係爸爸﹑媽媽同姐姐之外，我諗就係個「叻」字。或者因為潼潼媽成日都讚潼潼叻女(讚壞哂)，所以而家成日話自己叻，仲要加埋舉起隻食指添! (傻女，其實要舉起姆指先岩呀)

*******************************************

8月10日

姨媽叫潼潼叫佢，潼潼係都唔叫。

姨媽：係咪叻先？

潼潼：（又舉起食指）叻！

姨媽：咁叫「姨」

潼潼：姨

姨媽：「媽」

潼潼：媽

咁又打敗左潼潼喇！衰豬真識認叻。

*******************************************

8月11日

呢日潼潼食飯仔又唔乖，唔肯食，係爸爸訓話既時候仲掛住自己睇電視，所以又要受教訓喇！罰潼潼好簡單，唔駛鬧，唔駛打，爸爸捉佢入房，剩係捉住佢面對面，罰佢「面爸思過」，佢己經不停喊，嗌哂救命咁。

教訓完之後，潼潼都喊到「支力」哂，竟然自己訓係張床度，仲要拎被冚，要即刻訓覺。

潼潼媽問：飲唔飲奶呀？

潼潼：唔飲！！

　有無聽錯？潼潼一向只識答「食」﹑「飲」之類既肯定答案，對於否定答案就只會擰頭回應。今次竟然識答「唔飲」？

姐姐：潼潼，飲唔飲奶呀？

潼潼：唔飲！

姐姐都聽到潼潼答唔飲喎！

不過最後姐姐遞上奶樽既時候潼潼最後都答話「飲」。我同姐姐都覺得潼潼答「唔飲」只係因為發脾氣要扮COOL囉!

 

 

收大禮

今日潼潼收到份大禮，就係舅父送既一個好大個既bear bear熊毛公仔。潼潼一直以黎對毛公仔都好抗拒，俾親毛公仔佢都驚，但係出奇地今次不但只唔驚，仲會抱住bear bear熊周圍走。見到潼潼抱住個咁大個既公仔行真係好攪笑。

潼潼媽問舅父：又話買左一個大一個細既？咁細果個呢？

舅父：呢個咪細架囉！仲有隻好大既狗未拎番黎。

奧運體操項目

北京奧運首天賽事既體操項目中，有代表李氏家庭既選手潼潼小姐。

食火龍果

懶懶潼潼媽鐘意就咁將火龍果切開兩邊然後用羹「不」黎食。潼潼見到又要有樣學樣，結果．．．．．

食哈蜜瓜

究竟係食哈蜜瓜定係玩哈蜜瓜呢?潼潼:「都係咁開心唶!」

生活遊戲順序

摘自馮德全的BLOG     

教育促進孩子發展，而非消極等待成熟再教育。這就是“略超前教育”理理，它的參考項目和順序大體是：

音樂：

0歲開始聽優美的世界名曲、古典音樂、兒童歌曲

1-2歲開始學做律運

2—3歲開始學唱兒童歌典

3歲以後可考慮學—種樂器

美術：

半歲開始常常欣賞美術作品

1歲半開始塗鴉

2歲以後學簡筆畫

3歲以後畫想象

5—6歲練繪畫基本功，學水墨畫等。

此外，3歲前後開始做捏泥、剪紙、填色、彩貼等美工。

體育：

滿月開始做被動操、略超前訓練孩子翻身、坐起、站立、爬行、走路、奔跑

有條件的1歲學游泳

1歲半學溜冰

2歲走平衡木

3歲踢球及各種体育遊戲。

語言：

0歲開始常聽說話、故事、兒歌

3—4個月開始常逗孩子發音

1歲左右訓練學各種稱呼，學小動物叫聲

1—2歲開始學說完整句，背兒歌、古詩、經文

2歲以後常聽大人讀故事和聽錄音故事，自己學講簡單故事、敘述見聞和做過的事

3歲以後練習口頭作文

外語：

1歲開始每天聽英語，可以漢英兩種口語詞彙一起學

1歲半以後學動物英語單詞和簡單會話，培養起學英語的興趣

3歲以後可以上遊戲英語課
 

識字閱讀：

出生後不久在生活環境中培養識字敏感

1歲半左右開始生活遊戲識字，先學孩子熟悉的事物、動物和單音節詞

2歲以後讀有趣的句子、兒歌、謎語等

3歲以後讀二三句的短文，逐步加長，過渡到學習閱讀。

計算：

會說話以後常常學習數周圍的實數

2歲以後學5以內數的分解和組合，然後再學習10以內加減法和進退位加減法

3歲以後背乘法口訣，先學乘法，後除法，辨認各種幾何形體，了解時間、認識鐘錶、日曆、秤等

4歲以後可按趣味數學書的順序，解一些趣味習題和學習手指速算

常識：

隨時隨地觀察、觸摸、品嘗事物，告訴孩子事物的名稱。隨著孩子年齡和知識的增長，常常討論是甚麼，像甚麼，甚麼色和形，哪裡來，感覺怎麼樣，怎麼變，為甚麼等問題

2歲半以後學習聽新聞，認地圖，常去大自然和各種陌生環境觀察、討論、搜集物品

3歲以後學種植、飼養

4歲開始做小實驗，多玩科學玩具，多感受新鲜事物。

勞作：

會走路以後鼓勵孩子幫大人做事，再往後學習做力所能及的自我服務勞動和部分家務勞動。

3歲開做小玩具，拆裝玩具，多做需動手動腦的事。

社交：

孩子能抱者玩時，經常接觸態度和善的陌生人，會走以後常與小朋友玩，常串門拉家常

1歲學習送客

1歲半以後學習待客。接触孩子的所有成人不要嚇唬孩子，冷淡孩子，羞辱孩子和當面談論孩子，也不要過分熱情，把孩子當中心或過分表揚，總之，既不讓孩子膽小怕生，也不把孩子寵壞，要使他成為講文明禮貌，落落大方，開心他人的人。

以上幾方面決不是早期教育的全部內容，不同的孩子和不同的年齡、環境，都會有不同的興趣，都會極大地影響生活內容，自然也影響教育內容。所以我們的施教不要以上述幾個方面，檔住我門的視線，捆住我們的手腳，脱離實際照搬。

早教之父 - 馮德全

從一位 早教媽媽BLOG 中得知馮德全。我這崇日崇洋的媽媽就要查一下這位中國的早教專家是甚麼來頭。在YAHOO BLOG鍵入「馮德全」，可以發現原來不少早教媽媽亦有參考他的教育方案，內容非常具體有用。再找一下，發現了馮德全的BLOG，有這種免費的資源，怎能夠不存檔，我將會將這個BLOG放在書籤內，各位媽媽也多去看看啊！

叻叻GOODNIGHT

早一段時期突然心血來潮，發覺雖則每晚哄潼潼訓，但係從未教佢要同大家講「早抖」，感覺有點不對勁。於是就開始每晚跟潼潼講GOODNIGHT，兼且送佢額上/面上一個吻。點知尋晚同佢講GOODNIGHT既時候，佢就哄過黎，以為佢送我一個BIG HUG，原來佢亦學會送上一個GOODNIGHT KISS喇

今晚再收到潼潼一個GOODNIGHT KISS，佢用雙手捧真住我個面然後係我鼻上咀左一下。唔.... 甜甜呢。

注射疫苗之後

這幾天沒有怎樣的更新網誌，沒有潼潼的事情可以寫，因為在週六的時候潼潼注射了疫苗，之後就開始發熱了。

雖然注射的是聲稱注射後不適反應會較輕微的五合一/六合一疫苗，但是最近幾次注射疫苗後潼潼也有發熱的現象。更甚的是今次給潼潼注射疫曲的醫生是「替工」，潼潼給注射後當晚已經不願走。第二天早上針孔位輕微瘀黑，醒來她不願走路，後來才一拐一拐地走。由於潼潼的「不適」，星期天都困在家，潼潼也似乎睡得比平時多，脾氣也不很好，所以也沒甚麼可以寫的了。

很奇怪，為何小朋友不適的時候脾氣總是比較差。 壞脾氣的潼潼實在不可愛。