今日考埋個試,終於完成整個物流文憑課程。
係過去晚上上學既時期,我終於了解自己原來真係唔可以長時間維持做同一件事。
考完試,我終於可以輕鬆d做番自己想做既事喇。
成績嘛?當然依足香港政府既宣傳片所講「求學不是求分數」,
我係「目標為本」,爭取到合格,拎番政府資助既八成津貼就夠喇。
而家係時候好好休息一下,去迎接下一個新挑戰 - 咪就係生BB囉
今日考埋個試,終於完成整個物流文憑課程。
係過去晚上上學既時期,我終於了解自己原來真係唔可以長時間維持做同一件事。
考完試,我終於可以輕鬆d做番自己想做既事喇。
成績嘛?當然依足香港政府既宣傳片所講「求學不是求分數」,
我係「目標為本」,爭取到合格,拎番政府資助既八成津貼就夠喇。
而家係時候好好休息一下,去迎接下一個新挑戰 - 咪就係生BB囉
8月21日。等左呢個日子好耐
BB係肚入面已經20週大,呢一日就番將軍澳醫院照超聲波喇。
或者我自己本身比較遲鈍,一直以黎都唔太確定BB既胎動。
今次照超聲波,見到BB係肚入面手舞足蹈真係好開心
期間BB都好合作,擺出唔同既姿態,
令到醫護人員好順利咁量度BB既肚腩,頭圍,手長,腳長
佢地仲同我地好詳細咁解釋邊度係佢既手仔,腳仔,心臟,仲有八月十五
我地數下手指,腳指,心房,又睇下個咀仔‧.... 一切都好正常
佢地仲話BB雖然好活潑,但係又好乖好合作,佢地想睇乜就轉過去俾佢地睇到哂
最後佢竟然主動問我地想唔想知BB係仔定囡
,我地當然想知啦!咁佢就揀左一個BB既POST既定格問我老公:你睇唔睇到啫啫丫?
我心裡面一涼:唔係嘛?!有啫啫?咁咪即係男仔,但我地一直以黎都想要個囡囡喎
老公答:睇唔到呀! 姑娘:咪就係無囉
果刻好開心呀,果然係個女o既,我一直以黎都想住係想要個女的,
女仔比較乖巧又可愛呢。
我知道呢個消息真係好開心,感覺有如中左六合彩。
因為同輩之中既親戚誕下既9個小朋友,只有其中一個係囡囡,
我仲以為我地一族係受到詛咒唔會有囡囡生添
,今次得出結果係懷有BB女,能夠得嘗所願,我實在太開心喇
P.S. 開心還開心,我卻感染了傷風咳,呢幾日真係要小心照顧自己身體啊
腰圍 29" 肚腩 33.5" 增磅4lbs
玩銀仙學生白日見鬼 校長權充驅魔人 家長擔心反效果
大埔一間中學約十名學生,疑在學校旁邊的林村河畔玩「銀仙」時「集體入魔」,次日上課時忽然見鬼,並大哭大喊。校長情急之下親自擔當「驅魔人」,以祈禱來克服同學的...
其實我覺得係而家d家長太過於緊張自己既子女。
校方已經將幾個出事學生帶到其它地方作出輔導,
以免影響到其它同學,我覺得呢個做法非常正確
至於祈禱,我覺得以一間有宗教背景既學校黎講係一件平常事,
每朝番學都會早禱,食飯又會祈禱,訓覺前都會祈禱
無乜大不了丫。
點解而家D家長咁鐘意乜野都投訴既呢
係而家呢間公司工作左一年,
終於修成正果喇!!!
之前工作的一家公司,因為種種問題,
我就算當時剛買左樓,開始背上供樓既重擔,
我仍堅持辭去已服務超過八年時間既工作。
當時諗法係:寧食開眉粥,莫吃愁眉飯
誰知四個月後先係而家工作既呢間公司穩定落黎
係呢間公司工作都算得上稱心,只可惜人工比以前的真係少了一截
令到呢一個家係經濟上出現壓力。
不知不覺係呢間公司工作左一年喇
終於等到收成既時候喇。
老闆加左人工,仲加得唔錯,我非常開心
而家終於算係可以鬆一口氣
唔駛太過憂心將來點照顧未出世既BB喇
收到第一份給寶寶的禮物。
呢位同事係我公司工作不足4個月
8月11日係佢既last day
佢竟然買左一set BB用品送俾BB
入面有D餵食工具同埋濕紙巾
我地相處既日子只係短短的不足4個月
我好感激佢咁有心
令我感受到寶寶為我所帶黎既喜悅
我望住果一套用品,真係好期待BB就係我身邊
要養育好一個寶寶,果真不是一件易事
今天是中五會考放榜的日子,很多家長都忙於為其子女張羅
但總想不到在寶寶還未誕生,我便要開始為他將來的學業作出安排
由朋友處得知救世軍所辦的幼兒園在行內響譽盛名
他們所”出產”的寶寶都乖巧聰名
校內的教育方針及師資亦不錯,是最先採用活動教學的幼兒園
而我家附近亦有一家由救世軍所開辦的幼兒園
得此極力推介,原本亦打算讓寶寶在兩歲後入讀該幼兒園
誰不知得來一個嚇人的消息:
由於救世軍所辦之幼兒園口碑極佳
因此要進入此”名校”並非易事
必須由其育嬰園直升或於很早的時期便為子女申請留位
(跨張一點的,好像是要在懷孕的時期已替”胎兒”留位)
oh no!!!!!! 救世軍之育嬰園只有兩家
卻與我家相距甚園,而且收費昂貴
是否真的要在寶寶還未誔生之時就為他留位報讀育嬰園/幼兒園呢
原來做個好父母真的不易,尤其在這個充滿競爭的年代
8月3日看罷軟硬show,表現令人驚喜
如果你既年齡係3字頭的話就更添一份親切感
當晚表演嘉賓係草蜢,令現場發氣氛帶到高潮
簡直係一發不可收拾
軟硬的年代... 一轉眼已差不多二十個年頭
又係時候讓自己好好的緬懷過去
(p.s. 8月3日星期四,該日天文台掛著3號風球,但擁有8號烈風威力,實在嚇人)