早排潼潼經常病，就係因為病，呢幾個由唔多鐘意飲水學會左要多飲水 ; 由唔鐘意飲暖水亦變得會提議要加熱水。
潼潼媽前幾日開始亦作病，晚上有時咳得厲害。
潼潼：你該呀！要飲多ｄ水丫嘛！
潼潼走出廳。
潼潼對姐姐：媽媽咳！唔該你斟杯水俾媽咪丫！
噢！小妮子開始學會體貼別人喇！
今日準備出街叫潼潼換衫。
潼潼執起兩邊頭髮：「換完衫整呢個丫。」
原來潼潼想紮辮仔。
自從潼潼兩歲果陣俾我地狠心剃光左佢個頭之後，今日係第一次梳番條孖辮，潼潼梳完好開心呢。
玩完GEL甲，之後真甲畫花，然後DIY印花甲。其實拆左GEL之後已經覺得自己D甲好軟，軟到D甲好易屈到，攪到花哂。今次洗左印花甲，可能因為無塗指甲，無左個保護，今日係公司搬野果陣，唔知點樣，就反左一段指甲，又花哂!!!
其實甲都係呢幾日有唔同程度既「損傷」，真係慘不忍睹。本來貪靚諗住繼續留指甲既我，亦都不敢怠慢立刻剪短指甲，免得再有更嚴重既損傷。
我諗我以後都唔會再做GEL甲。
係我同姐姐各自忙碌之後，發然潼潼變了大花面。
原來係佢自己用水筆係臉上亂畫。唔知係咪因為睇左早上既卡通片學番黎，卡通片係以萬勝節做故事背景，所以入面既姐姐為貓造型而畫上左貓鬚。
我地要幫佢抹面佢都唔俾，仲話好靚，然後拎支筆對住塊鏡繼續畫。
潼潼，你知唔知其實個樣畫到好得人驚。
好彩既係支水筆係靚牌子，無咁驚會敏感，兼且係寫明washable，清潔都唔太難。
自從新年去左整GEL甲之後，有點愛上美甲，不過又唔習慣GEL甲既唔真實﹑笨拙，同埋長甲(其實係我唔習慣)，所以好快就去左卸甲，用真甲畫花。
效果唔錯，但係KEEP唔得耐，長整都幾唔划算。所以就去SEARCH下有無教人自己美甲，咁就搵到呢個KONAD既美甲產品。咁又一筆喇！唔知會玩幾耐呢？
