旋轉木馬

今日去吉之島，目標係睇士的車，暖爐，餐用的口水肩(要大塊既，潼潼實在食得太污糟)，潼潼用的水杯(要買再大一點的了)。睇睇，要買既都係因為潼潼。

去到吉之島，見到呢個唔知叫乜名既公仔，係佢地入面遊樂場既主角。

派左代幣贈券，換左5個代幣之後，成功湊夠3位小朋友，每人用兩個代幣玩呢個旋轉木馬，一共可以玩到兩次。

呢次係潼潼第一次玩旋轉木馬，我一直擔心潼潼會係中途「跳馬」既事情並無發生，玩完兩次之後仲想再玩添!

N1以外

潼潼媽在BLOG上見到很多媽媽都能替自己兒女找到心儀的學校讀N1，好羨慕。但對於一窩風的到九龍塘找名校卻又很難理解。說到底或者我是位懶散媽媽，所以都不願做這些罷!

懶散還懶散，潼潼即使上不了N1，也總不能白白的在家呆上一年時間，所以媽媽也得做上一點點。

潼潼媽追捧蒙特梭利的一套，只可惜甚麼Best Concept，Infinity Children's，Little  Montessori...... Sorry呀Monterssori，你身價太高，莫非天才原來是要由金錢打造出來的？唯有放棄。不過就從其它媽媽blog上搵到d有用資料。

•  MUSICAL WAY ART CENTRE - 幫潼潼報左名上一個音樂啟蒙班，四堂$550，還可以罷。不過佢地舊生優先報名，我只有等消息
  
• 協康會 - 2至3歲既SMART KID CHALLENGE課程，八節課程$1200，由物理治療師帶領進行一D體能活動。潼潼媽打電話去問過詳情，佢地話個COURSE好爆，我只能排WAITING LIST (等人地排到超哂齡都未排到既時候我咪可以有位報名果隻)
  
• 協康會 - 只須$250既感知遊戲小組，已經報左名，不過名額有限，如果超額就以抽籤形式決定。

幫潼潼報名上呢D課程，其中一個原因係想潼潼有多D機會同其它小朋友接觸，尤其喜愛協康會既課程，可以同其它有特殊需要既小朋友一齊進行活動，對於潼潼黎講係唔錯既體驗，學識點樣同其它人相處。

三個COURSE都報左名，但三個COURSE都係未可以落實。 原來除左報名幼稚園以外，連一D活動小組都係要預早PLANNING(一年前報名?)先有機會?

不過潼潼媽仍會繼續努力搵好COURSE既!!!!!

仔味潼潼

整裝待發，準備出發去街街。

睇下潼潼呢個短髮cap帽look，真係仔味十足呀!!

我地先去醫五臟廟。已經係屋企食左飯既潼潼，照例要再分一杯羹。嘩~ 潼潼，你食得好污糟呀!幾時先可以自己食得好d呢?

今日既行程係爸爸去電腦節執平貨，潼潼就留係巿政大廈既playroom玩，足足玩左兩個幾鐘先可以會合番爸爸。雖然個playroom無乜好玩，不過剩係跑跑跳跳都已經夠潼潼累上一天。

「阿四」去左邊呀??

點解潼潼數數既時候成日都無左個「4」架!!

會跳喇!!

竟然俾我地咁巧合錄得潼潼既第一跳。

同場加映搖屁股。