圖鴉

這是潼潼上協康會第一堂圖鴉班既畫作 - 對褶畫。當然，好大部份係由潼潼媽捉住潼潼既手黎完成，潼潼主要負責對褶﹑拍打﹑然後打開。

不過潼潼好快就表現出對呢個遊戲不感興趣，餘下既時間，就係潼潼媽上堂，完成另外兩幅畫作喇！

爸爸生日

補祝爸爸生日，買左個蛋糕番屋企切。

有小朋友既家庭都會知道，家裡有任何人生日，主角都會變成好似小朋友生日咁。睇下，潼潼又揀左個好位喇。

潼潼呢個食蛋糕既表情好攪笑。

好開心啊!

前水警總部

呢日帶潼潼黎尖咀呢個前水警總部行。呢度本來係一個影相幾靚既地方，不過一黎潼潼成日走黎走去唔願停，好難幫佢影相；二黎潼潼媽戀囡狂，掛住幫潼潼影大頭，所以都無乜影到周圍既風景。

搭纜車，上山頂

有次講起潼潼未搭過纜車，所以就決定今日帶潼潼搭纜車上山頂行下。好！戴上尋日係H&M其中一件戰利品 - 賊仔帽，起行!!

又係潼潼媽係巴士上亂影既時候。

落到中環經過皇后像廣場，原來呢度影相都幾靚。

行到纜車站，嘩! 都好多人喎!攪到潼潼媽有D想縮沙。

終於上到車喇！

到山頂第一站竟然係俾呢個整手臘既鋪頭吸引左。其實潼潼岩岩出世無耐我都試過自己幫佢倒手模腳模，可惜整得唔好。今次上到黎見到，而潼潼竟然話想整，所以就幫佢做一個。因為潼潼細個，怕佢手唔定，所以要先幫佢倒模先再做手臘。睇下！潼潼個樣有D緊張呢！

上到山頂周圍行下影下相。

去遊樂場俾潼潼玩下我地就走喇！回程時潼潼仲識得叫話要搭纜車走添！不過我地最後搭左巴士。潼潼上車無耐就訓左喇！係呀！五﹑六點架喇！玩左成日都未訓過呢！

呢個就係潼潼個手模喇！咁可以以後都拖住潼潼隻手仔啦！

血拼H&M

公司附近開左間H&M，之前去巡視過D小童衫唔係太貴，所以今日帶潼潼去血拼。

真係唔得了，一入到童裝部，潼潼即刻對眼發光咁向目標進發 - 哈佬吉米鴨咀帽，隨後既亦係大個吉米頭既上衣 - 完全不合潼潼媽既STYLE，我一向都好怕小朋友果D大大個公仔既款式。爸爸唯有一路用其它「跳跳虎」﹑「COOKIE MOSTER」去擾亂潼潼，然後我地就將D吉米衫﹑吉米帽偷偷放回架上。

我地睇中左一頂闊邊帽，潼潼最初唔肯戴，係都話要吉米貓。不過後黎讚多佢幾次佢就被讚到心花怒放，戴住頂帽好開心咁係咁o係鏡前面轉圈。我真係想將個情形錄低，不過礙於係人地間鋪入面，所以最後都無拍。

揀下揀下，戰利品如下。

共八件物品，全部幾十幾十，都已經買左四百幾蚊野。唔知係咪好事，雖然潼潼已經兩歲三個月，不過仲可以著到12至18個月既SIZE，所以都可以買到D平野。

呢對花花拖鞋50大元，可以第日去沙灘玩時著啦！