失敗的「第一次」

本來以為可以又寫潼潼既「第一次」。

試過幾次我係房陪潼潼，我有事要出廳一陣，我會叫潼潼乖乖地坐係床度等我，佢都會答我「好」，然後真係乖乖坐係度等我番黎。

今晚我陪潼潼訓既時候．．．．

我：潼潼，乖乖地自己訓好無？

潼潼：好~

我：咁我出去，你乖乖自己訓喇！

潼潼：好~

我係出面廳等左好一陣，入面都好安靜。跟住我入房拎衫 ．．．

我：潼潼好叻喎！自己訓！

潼潼：叻！

我：咁好啦！乖乖訓喇！

潼潼：合埋眼睛。

跟住潼潼就自己瞇埋眼睛訓。

我見咁耐都無乜異樣，我就安心去洗白白。

沖完涼出黎，見潼潼已經訓左。但係問番爸爸，原來係工人姐姐入房睇潼潼既時候，潼潼又扭要姐姐陪。

唉．．．．　有少少前功盡廢添！不過我好相信，如果姐姐唔入去的話，潼潼一定會成功架！！潼潼努力！！你下次一定得既！！！

Para Para Dance

去完維園既嘉年華會，小休一會就繼續行程。

睇下潼潼自己坐一個位，綁好安全帶，穩穩陣陣，幾「醒目」。

下一站係尖沙咀百週年紀念公園，呢日有香港Para Para教學八週年慶祝活動。不講不知，其實潼潼爸同潼潼媽都曾經係Para Para Dance既愛好者。

潼潼初初去到都俾強大既音樂聲嚇親，不過後黎見有小朋友，佢又跟埋一齊入去玩，真係幾攪笑。不過最失敗係潼潼媽拍唔到短片。

唔緊要!! 潼潼!! 明年再帶你去玩過!!

嘉年華會

今日渣打係維園舉辦左個嘉年華會，我地都帶埋潼潼去開心下，同行既仲有同事同佢囡囡添。

個嘉年華會好熱鬧，有好多小丑周圍走，又有小朋友歌舞表演，仲有好多攤位遊戲。

可惜我地太遲去到，所有攤位遊戲都排哂長龍兼截埋龍尾添！ 不過都唔緊要啦，小朋友好易話為既唶!睇下，潼潼有姐姐陪佢玩波波一樣咁開心。

我的名字

1歲9個月，潼潼識叫自己個名喇!

話說第一次潼潼媽讚潼潼醒目時，潼潼讀左做「喔喔」，潼潼媽笑佢佢仲讀多幾次。之後，個衰妹就貪得意，每次我講「醒目」，佢都會跟住講「喔喔」，基本上「喔喔」已經成為潼潼對「醒目」既代名詞。

手掌畫

潼潼媽好早之前已經買左本蒙特梭利既遊戲書，不過果陣潼潼仲細，入面既遊戲最細既都係由兩歲小朋友開始，所以一直都無同潼潼玩。而家見潼潼都就快兩歲喇，於是就特登買左水彩，依書本內容同潼潼玩呢個「打手印」既遊戲。

潼潼好開心咁跟住我做，打左第一個手印，不過跟住落黎既都係由潼潼媽逼潼潼印落畫紙度既。點解？因為潼潼竟然嫌整污漕對手而唔鐘意玩，仲要去洗手添。　乜小朋友唔係有得玩就乜都既咩？

以後再玩呢個遊戲要改用蔬果，例如薯仔咁，俾佢做印章先可以喇！