母親節快樂

今年係我有潼潼以後第二個母親節，收到潼潼（爸爸）送既一束康乃馨，不過仍然未感受唔到母親節係自己既節日，

最近睇blog，都發現唔少媽媽都懷有左第二胎，係度恭喜佢地。

http://hk.myblog.yahoo.com/flora-tommy

http://hk.myblog.yahoo.com/cosmos689

http://hk.myblog.yahoo.com/conngai

雖然懷胎十月並不簡單，要養育好一個小朋友更加困難，但無論如何，新生命既誕生都帶俾人無限既喜悅。

我自己呢？大家見我咁enjoy照顧潼潼就知我並唔抗拒小朋友。不過同當初考慮係咪要生小朋友既時候一樣，我到而家仍然係對生小朋友有好多既顧慮，有時甚至覺得將小生命帶到世上而對佢有一種歉疚。

再懷第二胎嗎？我只有羨慕的份兒好了。再說，要再來一個的話，潼潼爸也不放過我罷！

各位孕媽媽！！DOUBLE母親節快樂喇！！！

去石澳沙灘

呢日雖然係母親節，但係我地呢日就去左拜山。去完柴灣拜山之後，我地就帶潼潼去石澳沙灘，諗住等佢「見識」下。意料之內，潼潼第一次落沙地係驚到唔肯落地，係咁縮起對腳。

跟住夾硬俾爸爸抱左出海邊浸腳，潼潼就全程係咁驚叫，經過呢一場「水劫」之後，成個人「謝」哂！

好可憐唷！都係玩吹波波開心ｄ。

今日到此為止，搵日先再去沙灘特訓先。

玩波波池

呢日要同婆婆食飯預早慶祝母親節。食完飯之後，潼潼同兩位表哥就去左冒險樂園玩。今次去冒險樂園潼潼終於可以玩波波池喇！第一次玩真正既波波池，潼潼就非常興奮，我未除好鞋佢已經係咁拉住我要入去喇！

玩完波波池又同兩個表哥一齊坐車車。

人地掟籃球，潼潼就攬住個波波玩。

哈哈！呢次係潼潼去冒險樂園玩得最開心既一次。

食藥水

touch wood！潼潼對食藥並不太抗拒。

點解潼潼成日轉黎轉去？咪就係因為唔鐘意我拍佢囉！

快樂童年

小朋友可愛之處，在於他們的真。一切都是這樣的簡單又直接。

上星期四多了一天勞動節假期，跟潼潼玩的時間多了，又有時間可以給她餵午飯。相處的時間多了一點點，潼潼已經明顯比從前愛纏著我。從前逗她睡的時候她總要纏著工人姐姐，現在也讓我抱著她睡了。

潼潼得了小病，爸爸對潼潼的管教也寬鬆了，對潼潼說話也溫柔起來。小朋友對「愛」的感知能力很強。在晚上出外用膳時，潼潼竟然少有的自動要拖著爸爸走，我看在眼裡也覺得心甜。

潼潼，願你一生也能在愛中快樂地成長。