難得呢個星期六比較清閒，但都只係帶阿囡去MEGABOX行下咋。
MEGABOX前既公園仔。唔知點解阿囡咁鐘意呢個公仔，係咁嗌住話要同豬咀影相。
好耐無帶潼潼嚟溜冰喇，因為爸爸話潼潼玩得唔耐，唔夠成本效益，唔肯同阿囡嚟溜冰囉! 隔左幾耐無溜呢.....
都唔係好記得。好彩阿囡仲敢自己落場，都算唔錯喇! 之後又去宜家玩個兒童天地玩，又去買佢想要既攬枕。阿囡開心哂啦!
夜晚嚟呢間餐廳食飯，設計成個電動火車咁，都幾得意。
阿囡揀左呢個超級唔抵食，連嘢飲都無杯既兒童套餐。
夜晚咁岩仲有場冰球比賽。
原來冰球好有速度感好刺激架，潼潼都睇到超興奮，係咁叫，係咁跳。連爸爸都話有機會的話再要睇添呀! 我呢.... 諗起木村做既「冰之驕子」，真係見到套裝備都已經覺得超型。
