第四次溜冰 - 勇字當頭

呢日爸爸問潼潼想去邊度玩，岩岩尋日玩完溜冰既潼潼意猶未盡，話再去溜冰。

行路依然跌跌碰碰既潼潼，係爸爸去換過對溜冰鞋既時候，勇字當頭地自己衝左出去玩
喇!

之後媽咪番左工，聽聞潼潼已經可以比較快地自己滑溜喇!

第三次溜冰

今次係潼潼第三次去溜冰。

爸爸見潼潼上一次冰已經會自己踏步，所以今次一開始時就要潼潼自己行。可能潼潼感到壓力，所以最初係發哂脾氣，仲係度喊添!

好彩之後玩玩下又開心番，仲見到潼潼既進步添。

去剪髮

 就快新年，同潼潼去剪番個靚頭先。

呢個髮型師潼潼媽跟左好多年喇! 由最初洗剪吹收唔駛$100，到而家要二百幾。不過佢又真係剪得唔錯，我都係見新年先捨得帶潼潼去俾佢剪咋。睇下剪完之後係咪成個人唔同哂呢。(潼潼仲特登帶俾姐姐生日送俾佢既barbie公仔去剪髮添)

五歲生日

潼潼五歲生日喇! 睇落真係大個女左好多，而家身高已經有104cm喇!

今朝一早起身我就同潼潼講生快樂，之後就教潼潼多謝媽咪咁辛苦生佢。呢個概念係由日本既「母難節」學番黎，我覺得好有意思呢!

爸爸今日唔得閒，只得我﹑潼潼同姐姐一齊去食飯。潼潼手上拎住既係姐姐送既生日禮物。潼潼緊開心啦，呢類公主既barbie公仔我係一定一定唔會買，難得有人代媽me送俾潼潼。



呢排媽咪忙到嘔，加上一向都唔太注重生日，所以都無買禮物俾潼潼。行過商場，見到呢兩件咁得意既禮物形朱古力就買黎送俾潼潼。

潼潼生日快樂!!!! 每日都笑口常開!!